بنت صغيرة فلسطينية
لسة بعمر الورد
قلبي طيب و صافي النية
ولا عم بئذي حد
بعرف بيتي و بعرف أرضي
أهلي محلاهم حوليّ
شو ما بدي بلاقي حدي
بالمحبة و الحنية
اجا كم مجرم على بلدتنا
قتلو بيي و أخدو خيي
صارو يقولو الأرض إلنا
صدمة شو بكّت عينيي
بصرخ ليش انا شو سويت
ما في حدا جاوب علي
بس مكتوب على باب البيت
من هنا مروا الصهيونية
اجا بعديها واحد شفتو
بشبههم ماشي حولي
من قهري هالحجر مسكتو
و رميتو وانا ماني قوية
مسكوني و ضربوني و قالو
بدنا محاكمة ع الأذية
حبسوني و التهمة شو قالوا
إني مجرمة إرهابية
مين بيرضى بهاد العار
اسمعي صوتي يا بشرية
ياللي متلي لسة كتار
امتى بيشوفو الحرية